LIONS PINASLANG NG KNIGHTS

Nagbunga ng saya ang tagumpay ng Asian College of Technology (ACT) Cyber Knights volleyball boys sa District Meet 2015 noong ika-1 ng Oktubre sa East Visayan Academy (EVA) laban sa Monterey School Incorporated Lions.

Naganap ang laro sa ala una ng hapon sa EVA gymnasium. Panalo ang Act laban sa Monterey sa set iskor na 2-1 kung saan nanalo sila sa una at huling set.

Sa unang set ay kita ang determinasyon ng bawat manlalaro sa korte. Tila nahirapan sa unang mga minute ang Cyber Knights dahil nagpatalo ang Lions kaya natabla ang iskor, 5-5. Nang pagkakataon na ni Damielle Luchavez mag-serve ay hindi na niya pinalampas ito.

Pinasok niya nang walang kahirap-hirap ang labimpitong(17) serbisyo na nagpalamang sa Cyber Knights sa iskor na 22-5. Parang kidlat sa bilis ang mga serbisyo ni Luchavez kaya napa-nganga na lamang sa gulat ang Lions.

Nakagawa pang pumuntos ng kalaban ngunit natalo sila sa iskor na 25-8.

Sa ikalawang set ay tila nawala sa pokus ang Cyber Knights at muling nahirapan. Ilang paglabag din ang nagawa ng knights kaya lumamang ang Lions.

Nahirapan ang setter ng koponan na si Paul Santillan dahil sa mga maling receive na binitawan ng kanyang kagrupo. Nagawang humabol ng Knights ngunit nataposa ng set sa iskor na 23-25 kung saan sila ay talo.

Nag-aapoy muli ang Knights kaya nagawa nilang bumawi sa huling set. Muli ay pinahirapanng Knights ang Lions at nakabawi. Panalo ang Knights sa iskor na 25-10.  

Hindi natuwa si Coach Elvin Tabura sa kinalalabasan. “Nadismaya ako dahil natapos n asana and laro sa ikalawang set,” sabi ni Tabura.

Nakulangan din si Angelo Largo, dating Cyber Knights volleyball player,  sa ipinakita ng Knights. “Okay lang naman ngunit nakita ko na kulang sa pokus ang mga manlalaro,” wika niya.

Nakontento naman sa ipinakitang laro ng Knights si Floramae Arain, ACT Athletics Club Moderator. Sabi niya, “Bumilib ako dahil ito ang magiging hudyat  sa  ‘comeback’ ng ACT.

Panalo din ang Cyber Knights volleyball girls matapos hindi sumipot ang Tabunok National High School (TNHS).

- Lance Roi Catadman