Nangibabaw ang Senior chess team at Freshmen scrabble team kontra Junior High players sa Intramurals 2017 na ginanap noong ika-9 at 10 ng Marso.
Sinilat ng Senior chess boys, na ginampanan nina Kyle Supan, Erich Albaran at Joshua Haramil, ang Junior chess boys sa isang round robbin tournament sa unang araw ng palaro.
Ayon kay Sir Julius Buma-at, chess moderator, tanging dalawang koponan lamang ang nakipagtugisan. Agad na na-diskwalipika ang Sophomores at Freshmen dahil sa kakulangan ng manlalaro at kawalasan ng gamitan.
Dumaan naman sa landslide victory ang Senior Chess girls nang humakot sina Chesty Flores, Rachael Serrano, Lois Laboga at Angel Salaritan ng sampung puntos.
Pumangalawa ang Juniors, sumunod ang Sophamores at nahuli ang Freshmen.
Samantalang bumawi naman ang Freshmen nang nanguna sila sa larong scrabble. Tinalo nina Jude Tadios, Johanna Abellanosa, Kaye Abellanosa at Abigail Caramol ang Juniors na inirepresenta nina Shanisse Semoran, Khayla Carreon, Michael Osmil at Alyssa Plaza. Pumangatlo naman ang Seniors at nahuli ang Sophamores.
-Lalaine Omnes
-Photos by Denise Cairo
No comments:
Post a Comment